Дорно дахины уншлагын танхим

Уран бичлэг

Хэвлэх PDF

callig

Уран бичлэг нь хятад үндэстний уламжлалт урлагийн өвөрмөц нэгэн хэлбэр бөгөөд хятадын соёл иргэншлийн хөгжлийг дагалдан хөгжиж ирсэн байна.

 

Хятад үсэг нь  цэг зураас хоёроос бүтдэг тул уран бичлэгийг бас зураасан урлаг гэдэг.
              Уран бичлэгийг ихэвчлэн  торгон цаас буюу торгон дээр бийрийн уян хатан уран налархай шинжид тулгуурлан маш гүнзгий санаа бүхий хар цагаан бүтцийг гаргаж уран бичээчдийн хувийн амьдралын мэдрэмж, мэдлэг боловсрол, өвөрмөц зан чанарыг нь тусган харуулдаг юм. Хэлбэрийн хувьд уран бичлэг нь зураасны төгс гоо сайхныг гол болгосон бол агуулгын тал дээр үндэстний амин сүнсийг илтгэн харуулах чадалтай өвөрмөц урлагийн нэгэн хэлбэр болно.
             Хосгүй гайхамшигт уран бичлэгийн урлаг нь идэвхтэй хүмүүнлэг нийгмийн орчныг бүрэлдүүлэхэд маш их үүрэг гүйцэтгэдэг байна. Тэрээр хүмүүсийн зан төрхийг төлөвшүүлэхэд асар их үүрэгтэй бөгөөд уран бичлэгийг бүтээх, үзэж сонирхох явцдаа хүмүүс оюун санааны таашаал хүртээд зогсохгүй өөрийн мэдэлгүй нөлөөнд нь орж гоо зүйн мэдрэмж нь дээшилж байдаг ажээ.
           
Мөн түүх дурсгалын үзэмжит газрууд, хөшөөнийн бичээс ба чулуун сийлбэрүүд зэрэг соёлын чухал өвүүд нь урлагийн болон түүхэн үнэ цэнийг хадгалахын зэрэгцээ уран бичлэгийн урлагийн өвөрмөц татах увидасыг харуулдаг байна.

Бичгийн өрөөний дөрвөн эрдэнэ

Хэвлэх PDF

erdene4

Бичгийн өрөөний дөрвөн эрдэнэ бол Хятадад л байдаг уран зураг, уран бичлэгийн багаж хэрэгсэл юм. Тухайлбал, бийр янтай, бэх, цаас, зуруул болно.

 

Учир нь хятадын эртний бичгийн хүмүүс үсэн бийр, бэх, торгон цаас, зуруулыг байнга хэрэглэдэг. Иймээс тэдгээр нь бичгийн хүмүүсийн өрөөний заавал бэлэн байх шаардлагатай дөрвөн зүйлийн эрдэнэ болдог байна.

"Хятад хэл, орон судлал"

Хэвлэх PDF

DSC02667

      Тайвань номын уншлагын танхимд 2011 оны 12-р сарын 8-нд “Хятад хэл, орон судлал” сэдвээр чөлөөт, уулзалт ярилцлага зохион байгууллаа. Уулзалтанд Олон улс судлалын хүрээлэнгийн хятад судлаач, эрдэм шинжилгээний ахлах ажилтан, доктор, профессор  Л.Бэгзжав, МУБИС-ийн Хятад хэлний 2-р курсын оюутнууд оролцов.

DSC02671

       Хятад судлаач Бэгзжав гуай оюутан залуучуудад хандаж хятад хэлийг сурахаар зориг зүрх гаргасанд талархлаа илэрхийлж, хятад хэлийг сурах нь 3-4 хэл сурахтай адил байдаг гээд шантрахгүй тууштай хичээж сурах урмын үг хэлэв. Мөн хятад хэл сурах орчинг хэрхэн яаж өөртөө бүрдүүлж болох талаар харилцан ярилцаж өөрөө анх яаж хятад хэл сурч байсан оюутан ахуйн дурсамж, эрдэмтэн багш нарынхаа заах арга барил, зөвлөгөөг хятад судлалын залгамж үетэй хуваалцаж дотно яриа өрнүүлсэн уулзалт боллоо.

 

Хятад хэл сонгон суралцдаг та бүхнийг манай танхимд ямар уулзалт ярилцлага, олон талт арга хэмжээг зохион байгуулах талаар өөрийн санал хүсэлтээ өгч хамтарч ажиллахыг урьж байна.

Хамтын ажиллагааны хөгжил болон Хятад улсын нөөцийг хуваалцах 5 дугаар зөвлөгөөн уулзалт

Хэвлэх PDF
Тайваний номын ертөнцөд болж буй сүүлийн үеийн мэдээ, мэдээллийг авахыг хүсвэл та бүхэн Тайваний Үндэсний номын сангийн http://www.ncl.edu.tw вэбсайтад зочилно уу.

Хамтын ажиллагааны хөгжил болон Хятад улсын нөөцийг хуваалцах ажил амжилттайгаар өндөрлөсөн талаарх 5 дугаар зөвлөгөөн уулзалт 2011 оны 11-р сарын 2-ний өдөр Тайваний Үндэсний төв номын санд болжээ. Хятад, Тайвань, Хонконг, Макао зэрэг орнуудаас 10 гаруй төлөөлөгчид оролцсон байна. Уулзалтын үеэр Зөвлөгөөний нарийн бичгийн дарга 2010- 2011 онуудад болсон үйл ажиллагаануудын тайланг тавьж танилцуулав. Харин дараа нь 2012 онд болох Хамтын ажиллагааны хөгжил болон Хятад улсын нөөцийг хуваалцах ажил 9 дүгээр бага хурлын зохион байгуулагч орон, болох хугацаа зэргийг сонгон төлөвлөсөн юм.  Мөн Тайвань улс энэ жил 2 шинэ төсөл болох Үндэсний Тайваний их сургуулийн танилцуулсан Хятадын академийн институтэд зориулсан Нийтийн архивын газрыг байгуулах, мөн Тайваний Хөгжмийн төв, Хятад судлалын төв, Үндэсний Тайваний энгийн сургуулийн Хөгжмийн дижитал архивын төв, Шанхайн хөгжмийн сангийн дээд сургууль  нарын хамтран танилцуулсан Хятадын хөгжмийн газрын төслийг тус тус танилцуулав. Энэхүү танилцуулсан төсөл нь уг уулзалтаар ихээхэн сайшаагджээ.

Уулзалтын үеэр гаднаас ирсэн оролцогч орнууд байгаль орчинд ээлтэй номын сангууд болох Вeitou салбар номын сан, нарны эрчим хүчний номын сан, эрчим хүчинд суурилсан номын сангуудтай танилцжээ. Зөвлөгөөнөөр бусад бодлогын асуудлуудыг хэлэлцсэн бөгөөд улсын нөөцийг солилцож, хуваалцахаар өөр өөр төсөл, шинэ хамтын ажиллагааг танилцуулсан байна.

            Хамтын ажиллагааны хөгжил болон Хятад улсын нөөцийг хуваалцах олон улсын уулзалт нь 2 жил тутамд Хятадын нөөцийг дэлхийн дахинд хуваалцах, хамтын ажиллагааг хөгжүүлэх зорилготойгоор жилд  нэг удаа зохион байгуулагддаг. 2007 онд удирдах зөвлөл нь байгуулагдсан байна. Тухайн жилдээ анхны зөвлөлдөх уулзалт нь Макаод болж түүнээс хойш уг уулзалт нь хамтын ажиллагааг бий болгох, номын сангийн нөөцийг ашиглах зэрэгт чиглэгдэж иржээ. Мөн энэ нь Хятадын соёлыг хадгалах шинэ төслийг идэвхтэйгээр дэлгэрүүлсэн байна. Одоогийн байдлаар 12 төсөл хэрэгжиж байгаагаас Хятадын угийн бичгийн ерөнхий хуанли, Хятадын стандартчилагдсан нэрсийн мэдээллийн сан, Sun Yat-sen-ий “Дижитал номын сан” төсөл, “Дэлхий дахины хятад үндэсний сүлжээ” төслийн эхний шат нь хэрэгжиж дуусчээ.

 

"Бүгд найрамдах улс байгуулагдсаны 100 жилийн ой,Сонгодог бүтээл унших цаг"

Хэвлэх PDF

      Тайваний Үндэсний номын сан нь номын сан болон соёл, боловсролын институтыг далайн чанадад нэгтгэх зорилготойгоор  “Бүгд найрамдах улс байгуулагдсаны 100 жилийн ой, Сонгодог бүтээл унших цаг” хэмээх арга хэмжээг Тайваний Үндэсний номын сангийн үзэсгэлэнгийн танхимд  2011 оны 9-р сарын 8-нд зохион байгуулжээ. Уг ёслолын хүрээнд ятга хөгжмийн үзүүлбэр, яруу найраг, номын хандив, шагнал гардуулах үйл ажиллагаа болов.  Үзэсгэлэнд тавигдсан өнгөрсөн үеийг харуулсан хөгжим, шатар, калиграф бичлэг, уран зураг, сонгодог бүтээлүүдтэй 100 гаруй оролцогчид танилцаж сонгодог бүтээлүүдийг уншин дэмжлэг, туслалцаа үзүүлэхээ илэрхийлжээ.

          Энэхүү арга хэмжээнд Ерөнхий сайд Vincent Siew, Боловсролын сайд Wu Tsai-shun, Зөвлөх Hao Ming-yi, Нийгмийн боловсролын хэлтсийн дарга Ke Jeng-feng, Боловсролын сангийн  гүйцэтгэх захирал Chen Yi-chen, Кeelung хотын Cоёлын хэргийн хэлтсийн дарга Chang Chien-hsiang, Үндэсний нээлттэй их сургуулийн ерөнхийлөгч Chang Chi-hao болон бусад нэр хүндтэй зочид хүрэлцэн ирсэн байна.

1111014252371





Баруун гар талаас Боловсролын сайд Wu Tsai-shun, Тайваний Үндэсний номын сангийн
Ерөнхий захирал Tseng Shu-hsien нар хятадын эртний үнэт ховор номуудыг үзэж байна.


   

Дэлгэрэнгүй мэдээлэл авахыг хүсвэл  http://100read.ncl.edu.tw/ хаягаар зочилно уу.