"Германы Мэдээллийн Номын Сан" танхим

“Уншлагын үдэш” соёл танин мэдэхүйн уламжлалт ажил

2019 оны 10-р сарын 26, Бямба гариг, 10:49 Сүүлд шинэчлэгдсэн: 2019 оны 10-р сарын 26, Бямба гариг, 10:51 Бичсэн Administrator

Хүүхдийн Төв Номын Сангийн Герман уншлагын танхимаас “Уншлагын үдэш” соёл танин мэдэхүйн уламжлалт ажлыг 2019 оны 10-р сарын 18-нд Гёте-Институтийн дэмжлэгээр зохион байгуулж, герман хэлний сургалттай 48-р сургуулийн 6г ангийн 20 сурагчид, герман хэлний багш С.Энхтуяа, Э.Анхмаа, тус сургуулийн сайн дурын ажилтан Мари нар оролцлоо. Хүүхдүүд номын сангийн үйл ажиллагаатай танилцаж, М.Эндегийн “Момо” хүүхдийн уран зохиолын герман монгол хэл дээрх номыг сонгож, хамтдаа уншиж, ярилцав. Мөн номын агуулгаас сэдэвлэсэн зураг зурах уралдааныг багаар гүйцэтгэлээ. Хүүхдүүд танин мэдэхүйн тоглоом тоглох, хүүхдийн кино үзэх зэргээр номын санд хонож, нэгэн үдшийг бүтээлчээр өнгөрүүллээ.

vde4 vde3

vde2 vde1

Зул сарын баяр

2017 оны 12-р сарын 06, Лхагва гариг, 17:25 Сүүлд шинэчлэгдсэн: 2017 оны 12-р сарын 06, Лхагва гариг, 18:20 Бичсэн Германы Мэдээллийн Номын Сан

2017 оны 12-р сарын 1-нд Германы Мэдээллийн Номын Сан энэ онд хамгийн их үйлчлүүлсэн идэвхтэн 40 уншигчдаа урьж “Зул сарын баяр”-аа хийлээ.

Баярын үйл ажиллагаанд Гёте-Институтийн Монгол дахь төлөөлөгчийн газрын соёлын хөтөлбөрийн ажилтан Э.Мөнгөнбаяр, сайн дурын ажилтан Бэн Рангник, Улсын филармоны 2 хөгжимчин, 38-р сургуулийн сурагч Түмэнгэрэл, Эгшиглэн нар оролцож мэндчилгээ дэвшүүллээ. 2017 оны шилдэг уншигчаар хамгийн олон удаа үйлчлүүлж, гэрээр ном авсан ШУТИС-ХШУС-ийн оюутан Эрдэнэбатын Чимэг, МУИС-ХШУС-ийн оюутан Гантөмөрийн Золжаргал, ШУТИС-ийн оюутан Чүлтэмийн Эрхбилгүүн, ХААИС-ийн оюутан Болоожийн Намсрай, АШУҮИС-ийн оюутан Энх-Амгалангийн Жаргал нарын 5 уншигч шалгарч өргөмжлөл, номын шагналын эзэд боллоо.

Уншигчдийн анхааралд

2017 оны 7-р сарын 06, Пүрэв гариг, 16:23 Бичсэн Германы Мэдээллийн Номын Сан

Танхимын ажилтан 7-р сарын 17-8-р сарын 8-нд ээлжийн амралттай тул номын сан ажиллахгүй. 8-р сарын 9-нөөс эхлэн зуны цагийн хуваарийн дагуу ажиллана.

Уншлагын үдэш

2017 оны 4-р сарын 06, Пүрэв гариг, 15:43 Сүүлд шинэчлэгдсэн: 2017 оны 6-р сарын 21, Лхагва гариг, 14:28 Бичсэн German library

Хүүхдийн Төв Номын Сангийн Герман уншлагын танхим 2017 оны 3-р сарын 25-нд „Abenteuer im Schnee” (Цасан дундах адал явдал) сэдвээр "Уншлагын үдэш" соёл танин мэдэхүйн уламжлалт ажлыг Гёте-Институтийн дэмжлэгээр зохион байгууллаа. Уг үйл ажиллагаанд, 38-р сургуулийн герман хэлний багш С.Хосбаяр, дадлагын багш Н.Оюун-Эрдэнэ, сайн дурын ажилтан Маттис нар 4-р ангийн 15 сурагчдын хамт оролцлоо. Хүүхдүүд эцэг эхчүүдийн хамтаар номын сангийн үйл ажиллагаа, хүүхдийн номын булантай танилцав. Сурагчид танин мэдэхүйн тоглоом тоглож, өөрийн уншиж ойлгосноо найзуудтайгаа харилцан ярилцлаа. Мөн „Brief von Felix " буюу „Фэликсийн захидал" танилцуулга кино үзэж үдшийг зугаатай өнгөрүүллээ.

Германы Мэдээллийн Номын Сангийн “Зул сарын баяр”

2016 оны 12-р сарын 16, Баасан гариг, 13:43 Сүүлд шинэчлэгдсэн: 2016 оны 12-р сарын 20, Мягмар гариг, 11:19 Бичсэн German library

2016 оны 12-р дугаар сарын 13-нд Германы Мэдээллийн Номын Сан оны шилдэг уншигчдаа тодруулан, “Зул сарын баяр”-аа тэмдэглэлээ. Гёте-Институттэй хамтран зохион байгуулсан уг үйл ажиллагаанд Гёте хөгжмийн танхимын жааз хөгжмийн хамтлаг болон 18-р сургуулийн сурагчид ая дууны мялаалга өргөв. 2016 оны “Шилдэг уншигч”-аар ХУИС-ийн 3-р курсын оюутан Чулуунбаатарын Эрдэнэсүх, АШУҮИС-ийн 2-р курсын оюутан Дамбаравжирын Бямба-Очир, “Гёте” дунд сургуулийн 11-р ангийн сурагч Ганхуягийн Номин, МУИС-ийн 3-р курсын оюутан Мөнх-Эрдэнийн Баатархүү, МУИС-ийн 1-р курсын оюутан Батхуягийн Уянга нарын 5 уншигч шалгарч, Хүүхдийн Төв Номын Сангийн оны “Шилдэг уншигч” өргөмжлөл, Гёте-Институтийн мэндчилгээ, номын бэлэг гардан авлаа. Шилдэгээр шалгарсан уншигчид болон нийт уншигчиддаа баяр хүргэж, танин мэдэхүйн их үйлсэд тань улам их амжилт хүсье!